Criaturas caóticas

Elas saben que en circunstancias normais, non deberan de existir. Ven sendo como escribir de novo a historia da ciencia pero ao revés. É como se non fora aínda superada a antiga teoría da xeración espontánea, segundo a cal, a fermentación e putrefacción do lixo orgánico xeraba vida. Así, baixo as precisas convulsións do océano, a milleiros de séculos de distancia, nas profundidades da mar onde bule caótica a vida, o lixo de plástico (é carbono tamén) está a dar lugar a novas formas de vida.